Cinshi Baibolo Isambilisha?

Bushe pa calo pakatala apaba umutende?

Bushe kuti mwatila?

• Ee

• Awe

• Nalimo

Ifyo Baibolo ilanda

Ilyo Yesu Kristu akulateka, “umutende ukafula ukushinta na po umweshi ukalekela ukubapo,” e kutila ukabako umuyayaya.—Amalumbo 72:7.

Finshi fimbi ifyo tusambililako ku fyo Baibolo ilanda?

• Ababifi bakonaulwa, kanshi cikalenga abantu abacita ifisuma ‘ukusekelela nga nshi pantu umutende ukafula.’—Amalumbo 37:10, 11.

• Lesa akafumyapo inkondo.—Amalumbo 46:8, 9.

Bushe umutende kuti wabako pali ino nshita?

Abantu bamo basumiina ukuti . . .

Umutende te kuti ubeko pantu mu calo mwaisula fye ukucula kabili tamwaba umulinganya. Muletipo shani?

Ifyo Baibolo ilanda

Na pali ino ine nshita, ifibusa fya kwa Lesa kuti baba no “mutende wa kwa Lesa uwacila amatontonkanyo yonse.”—Abena Filipi 4:6, 7.

Finshi fimbi ifyo tusambililako ku fyo Baibolo ilanda?

• Lesa alilaya ukuti akafumyapo ukucula no lufyengo kabili ‘akalenga ifintu fyonse ukuba ifipya.’—Ukusokolola 21:4, 5.

• Kuti twaba no mutende nga tulebika sana amano ku ‘fya kwa Lesa.’—Mateo 5:3.