Bushe Lesa omfwa shani nga mulecula?

Abantu bamo balanda ukuti Lesa tamona nelyo ukubikako amano nga tulecula.

MONENI IFYO BAIBOLO ILANDA

• Nga tulecula, Lesa alamona kabili alabikako amano

  “Yehova amwene ukuti abantu bacilamo ukucita ifyabipa pano isonde . . . , kabili aumfwile ubulanda mu mutima wakwe.”—Ukutendeka 6:5, 6.

• Lesa akapwisha ukucula konse

  “Pashala fye panono no mubifi takabepo; Awe ukalolekesha apo aali, no kusanga talipo. Lelo abafuuka e bakekala mu calo, Kabili bakasekelela nga nshi pantu umutende ukafula.”—Amalumbo 37:10, 11.

• Ifyo Lesa afwaya ukumucitila

  “‘Ninjishiba amatontonkanyo ayo ndetontonkanya pali imwe,’ e fyasosa Yehova, ‘amatontonkanyo ya mutende, te ya bubi iyo, aya kumupeela inshita ya ku ntanshi iisuma ne subilo. Kabili mukalilila kuli ine, mukesa no kupepa kuli ine, na ine nkomfwa kuli imwe.’”—Yeremia 29:11, 12.

  “Palameni kuli Lesa, na o akapalama kuli imwe.”—Yakobo 4:8.