Ifya Kucinkulako pa lwa Cibukisho

Ukusefya Icibukisho kukabako pa Mulungu, March 23. Baeluda balingile ukusakamana ifyakonkapo:

◼ Pa kwimika inshita ya kulongana, shininkisheni ukuti ifimpashanya tafipishiwemo ukufikila akasuba kawa.

◼ Uuli onse, ukusanshako na kalanda, alingile ukwebwa pa lwa nshita mu kulungatika ne cifulo ca kusefeshapo.

◼ Umukate walinga na waini filingile ukushitwa no kupekanishiwa.—Moneni Ulupungu lwa kwa Kalinda ulwa February 15, 1985, ibula 17.

◼ Imbale, amatambula, ne tebulo lisuma ne nsalu filingile ukuletwa uko mulelonganina no kupekanishiwilwa libela.

◼ Iŋanda ya Bufumu nelyo icifulo ca kulonganinapo cimbi cilingile ukuwamishiwa bwino mu kubangilila.

◼ Bakapyunga na ba kusefya balingile ukusalwa no kufundilwa libela pa lwa nshila shalinga ne milimo yabo.

◼ Mulingile ukushininkisha ukuti abasubwa abali bonse abanakuka kabili abashingaba na maka ya kusangwako basefyako.

◼ Lintu ukusefya kutantikwe kwacila pali kumo mu Ŋanda ya Bufumu imo ine, kulingile ukubako ukwampanya kusuma pa kati ka filonganino pa kusengauka ukutitikana pa bwingililo, apa kufikila abeni, umwa kupita abantu, no mwa kwimika bamotoka.

◼ Mwicita kwati nalimo ifimpashanya nafikwata amaka yaibela. Bamo ku mufulo balakontamika umutwe wabo pa fimpashanya nelyo ukununshapo. Ici tacalinga.

◼ Tacikabilwa ukwimba lintu mulepishamo ifimpashanya. (Pishenimo, te ‘kwenda ne’ fimpashanya.)

◼ Musakamane ukukanakukumya impendwa ya basangilweko.

◼ Abantu batamfiwa balasuminishiwa ukusangwako kabili balapendwa. Nangu cibe fyo, uwatamfiwa nga alyako nelyo uushabatishiwa talingile ukupendwa ngo walyako.