Ifya Kucinkulako pa lwa Cibukisho

Icibukisho cikabako pa Cibelushi, April 11. Baeluda bafwile ukupoosa amano ku fintu fikonkelepo:

◼ Mu kwimika inshita ya kulongana, mukashininkishe ukuti ifimpashanya tafyakapitemo ukufikila ilyo akasuba kawa.

◼ Bonse, ukusanshako na kalanda, bafwile ukwebwa pa lwa nshita na ku cifulo Icibukisho cikabela.

◼ Umukate walinga na waini fifwile ukubapo no kupekanishiwa.—Moneni Ulupungu lwa kwa Kalinda ulwa February 15, 1985, ibula 17.

◼ Imbale, amatambula, ne tebulo lyalinga ne nsalu ya pe tebulo fifwile ukuletwa ku cifulo no kubikwa apo fifwile ukuba mu kubangilila.

◼ Ing’anda ya Bufumu nelyo icifulo cimbi ica kulonganinamo fifwile ukuwamishiwa sana ilyo ukulongana takulatendeka.

◼ Bakapyunga na ba kupishamo ifimpashanya bafwile ukusalwa mu kubangilila no kwebwa pa lwa nshila yalinga iya kukonka na pa lwa milimo yabo.

◼ Kufwile ukuba amapekanyo ya kushininkisha ukuti abali bonse abasubwa abalwala kabili abafilwa no kusangwako nabalyako.

◼ Ilyo kuli ifilonganino ukucila pali cimo ifikabomfya Ing’anda ya Bufumu, ifilonganino fifwile ukumfwana bwino ku kusengauka ukufulisha mu cifulo, umwa kwingilila, umwa kupita, no mwa kwimika bamotoka.

◼ Mwilacita kwati nalimo ifimpashanya fyalikwata amaka yaibela. Bamo ku mufulo balapalamikako umutwe nelyo ukununsha ifimpashanya. Ici tacalinga.

◼ Ukwimba takulekabilwa ilyo ifimpashanya filepishiwa. (Pishenimo ifimpashanya te kwenda fye na fyo.)

◼ Mukacenjele mu kupenda, ukukanaelenganya fye impendwa.

◼ Abatamfiwa kuti basangwako no kupendwa. Nangu cibe fyo, mwipenda ngo ulileko muntu uwatamfiwa nelyo uushabatishiwa.