Ukupimpa Ukucincisha Icinabwingi

Umutumwa Paulo atashishe abena Korinti pa mulandu wa kuti ukupimpile milimo isuma uko bakwete ‘kwacincishe icinabwingi’ ca Bena Kristu banabo. (2 Kor. 9:2) Ilingi, umuntu umo, ulupwa, ibumba lya pe sambililo lya citabo, nelyo icilonganino conse kuti bacincisha bambi ku fyo bapimpa mu mulimo wa kushimikila imbila nsuma. Pano pali fimo ifyo mwingacita pa kulanga ukuti mwalipimpa mu butumikishi.

◼ Bomfyeni Ifibelushi ku mulimo wa Bushiku bwa Magazini.

◼ Bombeniko umulimo wa mwi bala pa Mulungu.

◼ Bomfyeni inshita lilya kushifiita bwangu ukushimikila icungulo bushiku.

◼ Bombeniko mu nshiku shaibela ishitantikilwa ukushimikila.

◼ Shimikileni ilyo muli pa cuti ku ncito nelyo ku sukulu.

◼ Tungilileni ubutumikishi ilyo kangalila wa muputule aletandala.

◼ Bombeniko bupainiya bwa kwafwilisha pa mweshi umo nelyo ukucilapo mu mwaka.

◼ Teululeni imibele yenu pa kuti mukabe painiya wa nshita yonse nga kuti mwakumanisha.

Moneni icitabo ca 2000 Yearbook of Jehovah’s Witnesses, amabula 17-19.