Ifya Kulanda Pali Bamagazini

Ulupungu lwa kwa Kalinda Nov. 15

“Twalyumfwa uko abantu basosa ati ‘Yesu alapususha’ nelyo ‘Yesu alitufwilile.’ [Landeni amashiwi ya pali Yohane 3:16.] Bushe mwalibala amutontonkanyapo ifyo imfwa ya muntu umo ingapushusha ifwe bonse? [Lekeni basuke.] Baibolo ilasuka mu kwanguka fye. Ici cipande icileti, ‘Bushe Yesu Apususha Shani?,’ calyasuka bwino ici cipusho.”

Loleni! Dec. 8

“Bushe abantunse balebombesha ukucingilila ubwikashi? [Lekeni basuke.] Abengi balatwishika nga ca kuti ifya mweo pe sonde ifishikokola ukonaika fikabapo ku ciyayaya. Iciwemeko fye ca kuti Lesa alyangwako. [Belengeni Nehemia 9:6.] Loleni! ilalanda pa fyo cikaba ku fya bumi fyaba pe sonde ku ntanshi.”

Ulupungu lwa kwa Kalinda Dec. 1

“Pali ino nshita ya mwaka, abengi balangwa sana ku kupeela ifya bupe no kucitila bambi ifisuma. Ici citulenga ukutontonkanya pe Funde lya Mulinganya. [Belengeni Mateo 7:12.] Bushe muletontonkanya kuti cacitika ukukonka ili lembo umwaka fye onse? [Lekeni Basuke.] Uyu magazini nalanda ifingi pali ici ifyo mwingasambililako pa mutwe wa kuti ‘Bushe Ifunde lya Mulinganya Licili Lilabomba?’”

Loleni! Dec. 8

“Baibolo yalaya ukuti kukaba inshita ilyo kushakabe uukasosa ati: ‘Nindwala.’ [Belengeni Esaya 33:24.] Ukumfwana no ku kusesema, uyu Loleni! nalanda sana pa bulwele ubwacusha abantu abengi nga nshi, abaice na bakalamba. Ikwete umutwe wa kuti ‘Isubilo ku Balwala Ubulwele bwa mu Mfyufyu.’ Ninjishiba mwalasambililamo ifingi muli ifi fipande.”