Ifya Kulanda Pali Bamagazini

Ulupungu lwa kwa Kalinda Nov. 15

“Bamo balapapa nga kuti twakabila amacalici na matempele pa kupepa Lesa. Muletontonkanya shani pali ci? [Lekeni basuke.] Moneni ico Baibolo isosa pali uyu mulandu. [Belengeni Imilimo 17:24.] Ninshi mulimo nshi ififulo fya kupepelamo fyakwata? Uyu magazini alamweba icasuko ca mu Malembo kuli co cipusho.”

Loleni! Oct.–Dec.

“Abantu bamo batontonkanya ukuti amasanso ya pa musebo yacitika fye ku bacaice na kuli balya ababa no muleketela wa kwensha no kuti abo abaensha bwino pa myaka tabakabila ukusakamana ukuti kuti basangwa mu busanso. Bushe na imwe e fyo mumona? [Lekeni basuke. Lyene belengeni Lukala Milandu 9:11] Ifilenga fimo amasanso ya pa musebo nafilandwapo muli uyu magazini.”

Ulupungu lwa kwa Kalinda Dec. 1

“Ndakai, mupepi no uli onse cilemwafya ukusanga umwa kuliila. E fyo caba na ku macalici, kabili ukulombelesha indalama nakuseeka sana. Bushe ci cilamusakamika? [Lekeni basuke. Lyene belengeni 1 Abena Tesalonika 2:9.] Ulu Ulupungu lwa kwa Kalinda lulelanda pa fyo Baibolo ilandapo pali ci.”

Loleni! Oct.–Dec.

“Bushe tamulesumina ukuti imfifi nga yaisa mu kasuba ninshi cipesha mano? [Lekeni basuke.] Nangu ca kuti ifinjelengwe pamo nga iciilisha ca kasuba filacitika, lyonse ifyaba mu muulu fyenda mu muyano. [Belengeni Esaya 40:26] Uyu magazini alelondolola icacitike pa June 21. Uyu ni kope wenu.”