Ifya Kulanda Pali Bamagazini

Ulupungu lwa kwa Kalinda Dec. 15

“Pali ino nshita ya mwaka abengi balatontonkanya pa kufyalwa kwa kwa Yesu. Bushe mwalishiba ukuti kwaba amasambililo yacindama ayo twingasambilila ku lyashi lya mu Baibolo ilya kufyalwa kwa kwa Yesu? [Lekeni basuke. Lyene kabiyeni pe bula 5, no kubelenga 2 Timote 3:16.] Ulu Ulupungu lwa kwa Kalinda lulelanda pa masambililo yamo pali aya.”

Loleni! Oct.–Dec.

“Abantu abengi pali lelo batontonkanya ukuti amapepo yabo tayasukwa. Pa kuti Lesa omfwe amapepo, kwaliba fimo ifyo umo afwile ukucita. Finshi ifyo? [Lekeni basuke, lyene belengeni AbaHebere 11:6] Uyu magazini alelanda pa mapepo ayo Lesa omfwa, kabili ifi fyebo kuti fyamwafwa.”

Ulupungu lwa kwa Kalinda Jan. 1

“Abantu nga bafwilwa umutemwikwa nelyo balwala, ilingi balalanguluka ati, ‘Cinshi Lesa asuminishisha ici?’ Napamo na imwe mwalipushapo ici cipusho. Baibolo ilanga ukuti Lesa alekatilwa inkumbu abalecula. [Belengeni Esaya 63:9a.] Uyu magazini alelondolola ico twingacetekelela ukuti Lesa akapwisha ukucula.”

Loleni! Oct.–Dec.

“Wishi wa ba no kutemwa uufwaya abana bakwe ukumubeela, alalanda nabo mu mu lulimi lwayanguka. Bushe mutontonkanya ukuti e fyo na shifwe wa mu muulu afwile ukucita? [Lekeni basuke, lyene belengeni 2 Timote 3:16] Icipande cili muli uno magazini cilelanga ifyo Lesa engabomfya ululimi ulo bakabelenga pali lelo bengomfwikisha.”