Ifya Kulanda Pali Bamagazini

Ulupungu lwa kwa Kalinda Dec. 15

“Umwaka nga wafika pali ino nshita, abantu abengi batontonkanya pa mashiwi ayo bamalaika babilishe ilyo Yesu afyelwe. [Belengeni Luka 2:14.] Bushe muletontonkanya ukuti umutende pano pa calo cine cine ukesa? [Lekeni balandepo.] Iyi magazini ilelanda ifyo Yesu nomba line akacita pa kuleta umutende wa cine pano calo.”

Loleni Oct.–Dec.

“Bushe mwalishiba umulandu ififungo na babomfi abashininkisha ukuti abantu balekonka amafunde bafililwa ukupwisha imisoka? [Lekeni basuke. Lyena belengeni Yakobo 4:8.] Iyi magazini ilelondolola ifyo Baibolo na bucibusa na Lesa fyayafwile umulumendo umo ukuleka imisango yakwe iya kale kabili ilelondolola ifyo asangile insansa sha cine cine.”

Ulupungu lwa kwa Kalinda Jan. 1

“Bushe mwalitontonkanyapo ukuti umuntu nga alikwata ifyuma ifingi nga nshi e cishibilo ca kuti uyo muntu alitunguluka? [Lekeni basuke. Lyena belengeni 1 Timote 6:9,10.] Kwena Baibolo tailanda ukuti indalama shalibipa, lelo ilondolola ukuti umuntu pa kuti atunguluke te fyuma filenga iyo. Iyi magazini ilelanda pali ili line lyashi.”

Loleni Oct.–Dec.

“Pa mulandu wa kuti umulopa walicindama ku muntu onse, mulandu nshi Baibolo yumfwikila kwati yalikaanya ukubomfya umulopa wa bantu bambi? [Lekeni basuke. Lyena belengeni Ukutendeka 9:4.] Iyi magazini ilelondolola umulandu umulopa wacindamina pantu wimininako ubupe ubusuma nga nshi ubo icipeema conse cakwata, ne co caba mweo.”