Ukusambilila Icitabo ca Pepeni Lesa

Icitabo ca Pepeni Lesa Wine Wine Eka capangilwa ukusambilila na bapya nga bapwa ukusambilila icitabo ca Ukwishiba. Ukusambilila ici citabo pe Sambililo lya Citabo pa Cilonganino kukatupekanya ukubomfya ici cibombelo mu butumikishi no kutwafwa ukulundako ukutemwa kwesu no kutasha Yehova no kuteyanya kwakwe. Bushe kuti twacita shani pa kunonkelamo umupwilapo mu kusambilila icitabo ca Pepeni Lesa?

Ifya Kutungulula Isambililo: Apo tukalasambilila icipandwa cimo icituntulu cila mulungu, bakangalila ba masambililo ya fitabo balingile ukwakanya bwino inshita. Tabafwile ukulefya ukulanshanya mu maparagrafu ya kwiswila, lelo bali no kuleka inshita ikalamba ikabomfiwe ku fyebo fyacindamisha, ifyo ilingi line fili mu maparagrafu ya ku ntanshi mu cipandwa. Ukulanshanya umukululo wa kupitulukamo pa mpela ye sambililo limo na limo kukaafwa abasangilweko ukusungila ifishinka fikalamba.

Amepusho ya kwetetulapo no kulanshanya e mo yali mu fipandwa ifingi muli ci citabo ca Pepeni Lesa. Pa mabula 48-9 pali ica kumwenako cimo. Kabelenga talekabila ukubelenga ayo mepusho pa kubelenga ama paragrafu. Pa kulanshanya ayo mepusho, kangalila we sambililo alingile ukuleka amalembo yaloshiweko ukubelengwa no kulanshanyapo nge nshita ilesuminisha.

Ukupekanishisha Kabela: Ukupekanya bwino isambililo te kushila fye ifyasuko iyo. Ukwetetula no mukoosha pa malembo yaloshiweko kukalenga tukapekanye ifyasuko fyesu, e lyo ne cacindamisha ca kuti, tukateyanye imitima yesu. (Esra 7:10) Ifwe bonse kuti twakoseleshanya ukupitila mu kuitemenwa ukwasukapo mu kulinga.—Rom. 1:11, 12.

Ukusambilila icitabo ca Pepeni Lesa kukatupalamika kuli Yehova no kutupangasha ukwafwa aba mitima ya bufumacumi ukwisamupepa pamo na ifwe. (Amalu. 95:6; Yako. 4:8) Shi ifwe bonse natukanonkelemo umupwilapo muli uku kutantika kwa ku mupashi kushaiwamina.