Shi Angufyanyeni Ukuyako

Ukwangufyanya ukuya kuli bani? Ku balomba impapulo nelyo abalefwaya ukulabatwalila bamagazini lyonse atemwa abalefwaya Nte ukubatandalila pa mwabo. Ni bani balomba? Ni abo abalemba bakalata kwi ofeshi lya musambo nelyo ukutumako foni atemwa abamona ifyebo fyesu pa kompyuta. Ilyo umo alanga ubuseko muli yo nshila, iofeshi lya musambo lileshibisha icilonganino ca kuli yo ncende pali formu wa S-70, uwakwata ifyebo fitila “Twapaapaata Tantikeni Kasabankanya Wafikapo Ukutandalila Uyu Muntu.” Ilyo baeluda bapokelela formu wa S-70, balingile bwangu bwangu ukupeela kasabankanya uwingacincila ukutandalila uyo muntu. Nga ca kuti kasabankanya talesanga uyo muntu pa ng’anda, kuti aesha ukumutumina foni nelyo ukusha kakalata apa kuti takacebwishe impuupu lelo apo mwine ng’anda engakamona. Nga bamutuma ukuyamona umuntu ulesekelela, twapaapaata esheni na maka ukuyako mu kwangufyanya.