Ifya Kulanda Pali Bamagazini

Ulupungu lwa kwa Kalinda Mar. 15

“Tulemulaalika ku Mulaalilo wa kwa Shikulu pa Mulungu, April 4. [Londololeni ukubomfya ifyebo fili pe bula lya kulekelesha ilya magazini. Lyene belengeni Luka 22:19.] Ifipande fya kubalilapo muli ulu Ulupungu lwa kwa Kalinda filelanda pa bucindami bwa Cibukisho ne fyo ciba pa Cibukisho.”

Loleni! Jan.–Mar.

“Abengi balailimina ifya kulya abene mwi bala. Apo ukulima kwalyafya, bushe mwalitala amutontonkanya pa mulandu tufwile ukutashisha Lesa pa fisabo fyonse ififuma mu bulimi bwesu? [Lekeni basuke. Lyene belengeni Amalumbo 104:14.] Ici cipande calamwaafwa ifyo mwingailimina ifya kulya pa mwenu pene ne fyo ici cingamupalamika kuli Lesa, Kabumba wa fintu fyonse ifisuma.”

Ulupungu lwa kwa Kalinda Apr. 1

“Abantu abengi tabaishiba bwino bwino umwalola icishibilo ca ciswango icalembwa mu Baibolo. Bushe ici cishibilo mwalicumfwapo? [Lekeni basuke. Lyene belengeni Ukusokolola 13:16-18.] Baibolo fye e ilondolola umwalola ica nkama ici. Uyu magazini alelondolola ifyo fishibilo.”

Loleni! Jan.–Mar.

“Banamayanda bamo balasakamikwa ukuti limbi tabengeshiba ica kucita ilyo umubili wa mwana wakaba. Bushe na imwe ici cilamusakamika? [Lekeni basuke] Umufyashi fye onse alyangwa ku bumi bwa bana bakwe. [Belengeni Esaya 49:15a.] Muli ici cipande muli ukupanda amano ku bafyashi ifyo bengaafwa abana babo ukupola.”