Ifya Kulanda Pali Bamagazini

Ulupungu lwa kwa Kalinda Mar. 15

“Fwe bengi twalifwilwapo abantu besu kabili ici cilaleta ubulanda. Bushe mwalibwishiba ubu bulayo busansamusha ubwalembwa apa? [Belengeni Imilimo 24:15. Lyena muleke basuke.] Nomba kwena abengi balepusha abati, Ni bani bakabushiwa? Ni lilali abafwa bakabuuka? Ni kwi bakabukila? Iyi magazini iletweba ifyasuko fya mu Baibolo kuli ifi fipusho.”

Loleni Jan.–Mar.

“Abantu abengi batila filya Baibolo isambilisha ukutila abanakashi bafwile ukunakila filenga abanakashi ukusuulwa. Batini Baibolo isambilisha ukuti abanakashi balisuulwa? [Lekeni basuke.] Uyu magazini alelanda pa fyo Lesa abumbile Adamu na Efa wine mu cipasho cakwe abo alefwaya balebombela pamo; no kuti te Lesa walenga ukutila abaume belacindika abanakashi, baume abene.” Belengeni Ukutendeka 1:27, 28.

Ulupungu lwa kwa Kalinda Apr. 1

“Iyi nsoselo yaseeka ilanda sana pa fyo ukwishiba Lesa kwacindama. [Belengeni Mateo 4:4.] Lelo, tacanguka ku bengi ukwishiba ifyaba mu Cebo ca kwa Lesa. Bushe na imwe cilamukosela? [Lekeni basuke.] Iyi magazini ilelanda pali fimo ifingamwafwa ukwishiba ifyo Baibolo ilanda.”

Loleni Jan.–Mar.

Bushe mwalishiba ico tufwile ukutashisha Lesa pa fintu fyonse pamo fye ne fya kulya? [Lekeni basuke. Lyene belengeni Ukutendeka 1:11, 12.] Apo Lesa e Kabumba wesu, tufwile ukumutasha pa fintu fyaibela kabili ifya kupapusha ifyo abumba. Ici icipande cilelanda pa bowa ubwaba pa fintu ifisuma ifyo kabumba amesha mu mushili.”