Ifya Kulanda Pali Bamagazini

Ulupungu lwa kwa Kalinda Mar. 15

“Abantu isonde lyonse balatasha ifyo Yesu asambilishe. [Belengeni ifyambwilwe pe bula 3, paragrafu 1.] Lelo bushe muletontonkanya ukuti ifyo asambilishe pamo nge ca kumwenako cili muli ili lembo filabomba pali lelo? [Belengeni Mateo 5:21, 22a. Lyene lekeni basuke.] Iyi magazini ilelanda pa fyo Yesu asambilishe ne fyo twingamwenamo mu fyo asambilishe.”

Loleni Jan.–Mar.

“Abantu abengi balishiba ukuti calindama ukusambilisha abana ukutula ku bwaice sana. Bushe kuti mwatila ici cilakabilwa ukucitwa pali lelo? [Lekeni basuke. Lyena belengeni Amapinda 22:6.] Uyu magazini wa Loleni! alelanda pa fintu fya kulungatika ifyo abafyashi bengacita ku kwafwa abana babo ukukula bwino.”

Ulupungu lwa kwa Kalinda Apr. 1

“Bushe mwalyumfwapo abantu baleti sayansi na Baibolo filapilikana? [Lekeni basuke.] Iyi magazini ilelanda pa kukansana kwa pa nshita ntali pa kati ka sayansi no kupepa. Lelo na kabili ilelanda pa bushinino ubulelango kuti sayansi ya cine cine ilomfwana na Baibolo.” Kupukuleni pa mabula 6 na 7. Lyena belengeni Lukala Milandu 1:7.

Loleni Jan.–Mar.

“Ilingi line abaice abapula amafumo balapatikishiwa ukuponya ifumo, ukuupwa bwaice bwaice atemwa ukushiila bambi umwana. Bushe ni kwi umukashana engapandwa amano yene yene? [Lekeni basuke.] Uyu magazini alelanda pa fyo ubwafya bwa bakashana abapula amafumo bwingabombelwapo bwino bwino.”