Ifya Kulanda Pali Bamagazini

Ulupungu lwa kwa Kalinda May 15

“Bushe kukabala akuba icalo umushakabe icipowe? [Lekeni basuke.] Moneni fintu Lesa alaya. [Belengeni Esaya 65:21.] Uyu magazini wa Ulupungu lwa kwa Kalinda alelanda pa fyo ubu bulayo bukafikilishiwa.” Lanshanyeni ubushiku mukabwelelako ku kwasuka icipusho cileti: Ni lilali ubu bulayo bukafikilishiwa?

Loleni Apr.–Jun.

“Abengi tabatemwa umulimo wakosa. Bushe e fyo caba na kuli imwe? [Lekeni basuke.] Lelo ukwabulo no kupita mu mbali, ukusambilila ukubomba umulimo wakosa kuti kwatuletela sana indalama e lyo no kutwafwa mu nshila shimbi ishingi. Uyu magazini wa Loleni! alelanda pa busuma bwa mulimo wakosa.” Belengeni Abena Efese 4:28.

Ulupungu lwa kwa Kalinda June 1

“Nangu ca kutila umuntu mupepi fye na onse alalanda pa mutende, abantu mu calo tabaikatana. Bushe kuti mwatila umutende ciloto fye? [Lekeni basuke.] Uyu magazini alelanda pa buteko ubwingekatanya abantu mwi sonde lyonse.” Belengeni Amalumbo 72:7, 8, kabili ipusheni ubushiku mukabwelelako ku kulanshanya ifyo umutende ukabako.

Loleni Apr.–Jun.

“Ifwe bonse mu cifyalilwa fye tulafwaya ukwebako aba mu lupwa lwesu ifisuma. Bushe e fyo tufwile no kucita na ku cine twasambilila mu Baibolo? [Lekeni basuke. Lyena belengeni Yohane 1:40, 41.] Uyu magazini ali ne lyashi lya mukashana uwaendele intamfu iitali sana ukuya ku kwebako aba mu lupwa lwakwe icine ca mu Baibolo.”