Ifya Kulanda Pali Bamagazini

Ulupungu lwa kwa Kalinda June. 15

“Abantu bamo batila Yesu aali e muntu wakulisha ukucila bonse ababalile ababako. Bamo balatwishika nga e ko aali. Bushe muletontonkanya ukuti caliba mulandu pa fyo twasumina pali wene? [Pa numa ya kwasuka, belengeni Imilimo 4:12.] Bushininkisho nshi bwabako ubwa kuti cine cine Yesu e ko aali pe sonde? Uyu magazini aleasuka ico cipusho.”

Loleni! Apr.–Jun.

“Bushe nga bamwipwishe ati ulubembu lushingalekelelwa cinshi, kuti mwayasuka shani? [Lekeni basuke.] Yesu alandile pali uyu musango wa lubembu mwi lembo ili. [Belengeni Mateo 12:31.] Uyu magazini alimo ifyebo ifingatwafwa ukwishiba ulubembu lushingalekelelwa, abalucitile, ne fyo twingalutaluka.”

Ulupungu lwa kwa Kalinda July. 1

“Cimo ico tufwaya sana fwe bantunse kutemwa no kutemwikwa. [Belengeni utumashiwi tuli pe bula 4.] Lelo bushe mwalimona ukuti abantu muno nshiku bangwa ifintu fimbi? [Lekeni basuke.] Uyu magazini alelanda cintu ukutemwa kwine kwine kwaba ne fyo twingakukwata.” Belengeni 1 Abena Korinti 13:2.

Loleni! Apr.–Jun.

“Bushe mwalitala amutontonkanya ifyo Yehova amona abana? [Lekeni basuke, lyena belengeni Amalumbo 127:3.] Apo Baibolo itila abana lipaalo ukufuma kuli Lesa, umuntu afwile ukusakamana pa kuti tacitile icingonaula nangu fye mwana uushilafyalwa. Ici cipande nacikwatamo fimo fimo ifingafwa banamayo bali pa bukulu.”