Ifya Kulanda Pali Bamagazini

Ulupungu lwa kwa Kalinda Apr. 15

“Cilemoneka kwati ubunkalwe bwile bulefulilako. [Landeni icacitike ku ncende mwikala nangu ica kumwenako cili muli magazini.] Bushe tamupapa umulandu abantu babipile imitima ifi? [Lekeni basuke.] Baibolo yalilandiile limo ukuti ku ntanshi kukaba ubu bwafya. [Belengeni 2 Timote 3:1-5.] Iyi magazini ileasuka icipusho ca kuti ‘Bushe ubunkalwe bukatala abupwa’”

Loleni Apr.–June

“Bushe muletontonkanya ukuti ifi fyaba pali ili lembo fikacitika? [Belengeni Esaya 33:24. Lyena lekeni basuke.] Iyi magazini ilelondolola ifyo badokota balecita pali nomba pa kundapa amalwele e lyo ne fyo ubu bulayo bwa mu Baibolo bukafikilishiwa.”

Ulupungu lwa kwa Kalinda May 1

“Abafyashi balomfwa sana ububi umwana nga afwa. Bushe kuti mwatila nani wingabasansamusha? [Lekeni basuke. Lyena belengeni Abena Roma 15:5.] Iyi magazini ilelondolola inshila shalekanalekana isho Lesa asansamushishamo abaleloosha.”

Loleni Apr.–June

Abantu ilingi balatemwa ukumfwa umuntu umbi aleesha ukulanda nabo mu lulimi lwabo. Na kabili ukusambilila ululimi lumbi kulalenga umo ukusambilila intambi sha bantu bambi. Lelo bushe mwalishiba ukuti kwaliba ululimi lumo ulwacindama ulo tulingile ukwesha na maka ukulusambilila? [Lekeni basuke. Lyena belengeni Sefania 3:9.] Ili lyashi lilelanda umulandu cawamina ukwishibila ululimi lumbi, pantu kuti tuleafwako na bantu bambi mu nshila ishapusanapusana.