Ifya Kulanda Pali Bamagazini

Ulupungu lwa kwa Kalinda Apr. 1

“Apo abantu baleonaula ifyacindama ku bumi bwesu, bushe batini mwalitala amutontonkanyapo nga ca kuti icalo cikatwalilila ukubako? [Lekeni basuke.] Natumone amashiwi ya kusansamusha ayo Baibolo yalaya. [Belengeni Amalumbo 104:5.] Lino lyashi lilelanda pa fyo Baibolo ilanda ukuti e fikacitika kwi sonde lyesu.” Balangeni ilyashi ilitendekele pe bula 10.

Loleni Apr.–June

“Ukutula fye na kale abanakashi balabacusha no kubamona kwati tabacindama. Bushe mutila mulandu nshi cabele fyo? [Lekeni basuke.] Natubelenge ifyo Baibolo isambilisha abalume ukusunga abakashi babo. [Belengeni 1 Petro 3:7.] Ino magazini ilelanda pa fyo Baibolo isosa ukuti e fyo Lesa na Kristu bamona abanakashi.”

Ulupungu lwa kwa Kalinda May 1

“Abantu abengi, balanda ukuti bacetekela fye ifintu ifyo bamona. Bushe na imwe e fyo mutontonkanya? [Lekeni basuke. Lyena belengeni Abena Roma 1:20.] Ino magazini ilelondolola imibele ya kwa Lesa itatu iyo twingamona mu fyo abumba kabili ilelanda na pa fyo ukwishiba iyi imibele kwingatukuma.”

Loleni Apr.–June

“Pa mulandu wa kuti ulukaakala luleya lulefulilako, abantu abengi balomfwa umwenso. Bushe batini mutontonkanya ukuti ulukaakala lukatala alucepako? [Lekeni basuke.] Natumone ifyo ukusesema kwa mu Baibolo kulanda. [Belengeni Amalumbo 37:10.] Ino magazini ilelanda pa fyalenga ukuti ulukaakala lubeko kabili ne fyo Baibolo ilanda ukuti e fikapwisha ulukaakala.” Balangeni ilyashi ilitendekele pe bula 11.