Ifya Kulanda Pali Bamagazini

Ulupungu lwa kwa Kalinda Dec. 1

“Bushe mwalimona ukuti ubusaka bulapusanapusana ukulingana ne mikalile ya bantu? [Lekeni basuke.] Umfweni umulandu umo uo ubusaka bwawamina. [Belengeni 1 Petro 1:16.] Cino cipande cilelanda pa fintu fimo ifyo twingacita pa kuti tube no busaka.” Balangeni icipande icitampiile pe bula 9.

Loleni Oct.–Dec.

“Kuti natemwa ukumfwa ifyo mwalalandapo pali ili lembo. [Belengeni Amapinda 13:20.] Bushe mwalitontonkanyapo pa co abantu abengi bafililwa ukucimfya amatunko? [Lekeni basuke.] Iyi magazini ilelondolola ifyo ukusala ifibusa ifisuma no kupampamina pa kulaumfwila Lesa lyonse kwingafwa umuntu ukuiteyanya ukucimfya amatunko yalekanalekana.”

Ulupungu lwa kwa Kalinda Jan. 1

“Abantu isonde lyonse baishiba ifyapusanapusana pali Maria, nyina wa kwa Yesu. Nga imwe finshi mwaishibapo? [Lekeni basuke.] Baibolo itila Maria alikwete umulimo wacindama pano calo. [Belengeni Luka 1:30-32.] Ino Magazini ilelanda pa fyo twingasambililako kuli Maria.”

Loleni Oct.–Dec.

“Pa myaka iingi, abantu balilandapo ifyalekanalekana pa fyo ciba umuntu nga afwa. Nga imwe mwaishibapo shani? [Lekeni basuke.] Umfweni ico Yobo fyo Yobo alandile. Belengeni Yobo 14:14, 15.] Ifi fipande filelondolola ifyo Baibolo isambilisha pa fyo ciba umuntu nga afwa.” Balangeni ifipande ifitampiile pe bula 19.