Ifya Kulanda pa Kushalika Magazini

Ulupungu lwa kwa Kalinda October 1

“Abengi pali lelo balileka ukucetekela muli Kabumba. Mulandu nshi balekela? [Lekeni basuke.] Ifi fikomo filelanda umulandu umo nalimo uwalenga ukuti abantu baleke ukucetekela Kabumba. [Belengeni Habakuki 1:2, 3.] Cino cipande cileasuka ifipusho fimo ifyo abengi bepusha pali Lesa ifyalenga ukuti bemucetekela.” Balangeni icipande icitendekele pe bula 11.

Loleni! October–December

“Ifwe bonse twaliculapo pa mulandu wa kapaatulula. Bushe Lesa omfwa shani pa kapaatulula ka musango uyu? [Lekeni basuke. Lyena belengeni Imilimo 10:34, 35.] Ino magazini nailondolola ifyo Baibolo iingatwafwa ukushipikisha ilyo baletucusha pa mulandu wa kapaatulula. Kabili ino ine magazini nailondolola ifyo Baibolo ingatwafwa ukuleka ukuba na kapaatulula.”

Ulupungu lwa kwa Kalinda November 1

“Bushe mumona ukuti fyonse ifyo basambilisha mu macalici fifuma mu Baibolo? [Lekeni basuke.] Baibolo ilatusoka ukuti tufwile ukuba abacenjela pa kuti tatukonkele ifisambilisho fya bufi. [Belengeni Abena Kolose 2:8.] Ino magazini ilelanda pa fisambilisho fya bufi 6 ifyapusana ne fyo Baibolo isambilisha.”

Loleni! October–December

“Bushe muletontonkanya ukuti pali ino nshita abaice balikwata sana amafya ukucila ifyo cali kale? [Lekeni basuke.] Abengi balasumina ukuti ifyo ici cikomo cilandapo e filecitika pali ino nshita. [Belengeni 2 Timote 3:1.] Ino magazini nailanda pa fishinte fimo ifya mu Baibolo ifingafwa abafyashi na baice ukushipikisha amafya bakwata.”