Ifya Kulanda pa Kushalika Magazini

Ulupungu lwa kwa Kalinda November 1

“Bushe muletontonkanya bamalaika balabikako amano ku fyo tucita? [Lekeni basuke.] Umfweni ifi fyebo ifisuma ifyo Baibolo yalandapo pali bamalaika. [Belengeni Luka 15:10.] Ici cipande cilelanda ifyo Yesu asosele pa fyo ifibumbwa fya mupashi fingacita kuli ifwe.” Balangeni icipande icitendekele pe bula 16.

Loleni! October–December

“Mu mafilimu ayengi aya shino nshiku mwaliba sana ifya fibanda, ifya manga no buloshi. Bushe na imwe mwaishiba ukuti ifibanda e ko fyaba? [Lekeni basuke. Lyena belengeni 1 Abena Korinti 10:20.] Ici cipande cilelanga ifyo Baibolo yalandapo pa fibanda ne fyo twingaicingilila ku fibanda.” Balangeni icipande citendekele pe bula 12.

Ulupungu lwa kwa Kalinda December 1

“Abantu abengi basumina ukuti kwaliba ifibumbwa fya mupashi ifyacenjela ifilenga tulecita ifintu ukulingana ne fyo filefwaya. Muletontonkanyapo shani? [Lekeni basuke. Lyena belengeni Ukusokolola 12:7-9.] Iyi magazini iletweba ifyo Baibolo yalandapo pa fibumbwa fya mupashi, pa fyo fingacita kuli ifwe, e lyo nga kuti twalanda na fyo nelyo iyo.”

Loleni! October–December

“Bushe batini, amafoni ya kwenda nayo, ukulembeshanya amakalata ukubomfya intaneti, ne nshila shimbi isha muno nshiku isha kulanshanishishamo, shalipwisha ukutalalilwa kwa bantu nelyo fyalilenga bacilamo ukutalalilwa? [Lekeni basuke.] Umfweni inshila imo iingatwafwa ukukanatalalilwa. [Belengeni Imilimo 20:35.] Iyi magazini ilelanda na pa fyebo fisuma na fimbi ifingamwafwa ifyaba muli Baibolo. Balangeni icipande citendekele pe bula 19.