Ifingatwafwa Ukulashimikila Bwino—Ifyo Mwingatendeka Ukulanshanya mu Bunte bwa mu Lyashi

Umulandu Ubu Bunte Bwacindamina: Nga tuleshimikila ku ng’anda ne ng’anda, ilingi tatusanga abantu abengi pa mayanda. Lelo limo tulaba nabo mu myotoka, ku fipatala, ku sukulu, e lyo na mu ncende shimbi. Yehova afwaya abantu bonse fye ukukutika ku mbila ya Bufumu. (1 Tim. 2:3, 4) Nomba pa kuti tushimikile, ilingi line ni fwe tulingile ukutendeka ukulanda na bantu.