Icitabo Icipya ica Kubomfya pa Kusanga Ifyebo

Bakasabankanya abengi nga nshi mwi sonde lyonse balabomfya sana Icisontelelo ca Mpapulo sha Watch Tower pa kufwaya ifyebo. Lelo, pa mulandu wa kuti mwaliba ifyebo ifingi, ici citabo tacapilibulwa mu ndimi ishingi. E co bapekanishisha Icitabo ca Kwafwa Inte sha kwa Yehova Ukusanga Ifyebo icapilibulwa mu ndimi ukucila pali 170. Impapulo ishaba muli ici citabo ni mpapulo ishafumine ukutendekela mu 2000. Icitabo ca Kwafwa Inte sha kwa Yehova Ukusanga Ifyebo tacapilibulwa mu ndimi ishakwata Icisontelelo, lelo ifyebo fyaba muli ici citabo balifibika pa Watchtower Library iya pa kompyuta na pa LAIBRARE YA PA INTANETI. Icitabo ca Kwafwa Inte sha kwa Yehova Ukusanga Ifyebo cikamwafwa ukusanga amasuko ku mepusho ya mu Baibolo, ukusanga ifyebo ifimukumine, e lyo ne fyebo mwingabomfya pa kupekanya ukulongana na pa mapepo ya lupwa