Ifingatwafwa Ukulashimikila Bwino—Ukushimikila ku Balanda Ululimi Lumbi

Umulandu Cacindamina: Yehova alafwaya abantu ba ‘mu nko shonse’ ukumwishiba. (Imil. 10:34, 35) E mulandu wine Yesu alandiile ukuti imbila nsuma yali no kubilwa “ku bantu bonse aba pe sonde” e lyo na “ku nko shonse.” (Mat. 24:14) Sekaria asobele ukuti abantu “aba mu ndimi shonse isha nko” baali no kukutika. (Seka. 8:23) Ukulingana ne cimonwa umutumwa Yohane amwene, pa bali no kupusuka ubucushi bukalamba paaba na bantu abakafuma “mu nko shonse ne mitundu na bantu na bantu ne ndimi.” (Ukus. 7:9, 13, 14) Nga fintu twamona, ilyo tuleshimikila mu cifulo cesu ica kushimikilamo, nga twasanga umuntu uulanda ululimi lumbi tulingile ukumushimikila.