Ifingatwafwa Ukulashimikila Bwino—Ukutendeka Isambililo lya Baibolo Ukubomfya Broshuwa ya Imbila Nsuma Ukufuma Kuli Lesa!
Ico Cacindamina: Pa kuti tulenge bambi ukuba abasambi, tufwile ukuba bakasambilisha ba Cebo ca kwa Lesa. (Mat. 28:19, 20) Ifwe bonse kuti twasambilisha bwino icine nga tulebomfya ifyo batupeela ukubomfya. Broshuwa ya Imbila Nsuma Ukufuma Kuli Lesa! bailembeele ukuti iletwafwa ukusambilisha bwino abantu icine. Na kuba, kuti twaibomfya ukutendeka isambililo lya Baibolo pa muku wa kubalilapo fye mwalanda no muntu.
Esheniko Ukucita Ifi Uno Mweshi:
Pepeni ukuti Yehova amwafwe ukulafwaisha ukutungulula isambililo lya Baibolo. Kabili mulombeni ukuti amwafwe ukukwata isambililo lya Baibolo no kuti mube bakasambilisha basuma aba cine.—Fil. 2:13.
Ilyo muli pa mapepo ya lupwa nelyo ilyo muleisambilisha, pitulukenimo sana mu fyo mukalalanda pa kuti mufishibe bwino. Nga mwacita ifi, tamwakaleumfwa umwenso pa kulanda na bantu mukalasanga mu mulimo wa mwi bala kabili cikalamwangukila ukutendeka isambililo lya Baibolo.