Watchtower LAIBRARE YA PA INTANETI

LAIBRARE YA PA INTANETI

mwb16 April ibu. 3
Mulelanda Amashiwi ya Cikuuku Ilyo Mulekoselesha Bambi

Imikalile ya Bwina Kristu no Mulimo Tubomba—Akatabo ka Kubomfya pa Kulongana (2016)

mwb16 April ibu. 3

ICUMA ICABA MU CEBO CA KWA LESA | YOBO 16-20

Mulelanda Amashiwi ya Cikuuku Ilyo Mulekoselesha Bambi

Uulesansamusha abali no bulanda afwile ukulanda amashiwi ya kukoselesha

Yobo aali no bulanda kabili alicuulile sana, kanshi alekabila aba kumwafwa no ku mukoselesha
Abanankwe ba kwa Yobo batatu tabalandilepo amashiwi ya kumusansamusha. Lelo balemupeela fye imilandu no ku mulundilapo amasakamika

Amashiwi Bildadi aebele Yobo ayabulamo icikuuku yalimukalifye kabili aliilishenye

Yobo aliliile kuli Lesa ukuti e ngatushako ku mafya akwete, nangu fye ukuti afwe
Yobo abikile amano kwi subilo lya kubuuka kwa bafwa, ici calengele atwalilile ukuba uwa kaele no kushipikisha amafya

Bildadi na Sofari balelosha uko Elifasi alelanda na Yobo

ABALEPEELA YOBO IMILANDU

Elifasi:

Nalimo afumine ku Temani iyali mu calo ca Edomu. Yeremia 49:7 itila mu Temani e mwali sana impanda mano sha mu Edomu
Nalimo Elifasi uwalipo umukalamba kabili uo bonse baleumfwila pali “bakasansamusha,” e wabalilepo ukulanda. Alandilepo imiku itatu kabili e walandilepo sana ukucila abanankwe babili

Imilandu amupeele:

Alepumya Yobo pali bukaele bwakwe kabili alelanda ukuti Lesa tacetekela ababomfi bakwe (Yobo 4, 5)
Alandile ukuti Yobo ali ne cilumba kabili aali mubifi kabili taletiina Lesa (Yobo 15)
Alandile ukuti Yobo aliitemwa, alefyenga abantu kabili alelanda ukuti umuntu tacindama kuli Lesa (Yobo 22)

Bildadi:

Umwina Shuhi. Nalimo aleikala lwa ku Mumana wa Yufrate
Ewali uwa bubili ukulandapo. Alandilepo mu kwipifya imiku itatu lelo ifyo alandile fyalikalifye sana Yobo ukucila ifyalandile Elifasi

Imilandu amupeele:

Alandile ukuti abana ba kwa Yobo balikalifye Lesa e calengele ukuti bafwe, alandile no kuti Yobo talepepa Lesa (Yobo 8)
Aloseshe mu kuti Yobo talekonka amafunde ya kwa Lesa (Yobo 18)
Alandile ukuti ukuba uwa kaele kuicusha fye (Yobo 25)

Sofari:

Umwina Naamati, nalimo afumine ku kapinda ka ku kuso aka Arabia
Ewali uwa butatu ukulandapo, na o alipeele Yobo imilandu. Lelo ifyo alandile e fyabipiishe pali bonse. Alandilepo fye imiku ibili

Imilandu amupeele:

Alandile ukuti Yobo asosa fye icisosesose kabili amwebele ukuti afwile ukuleka ukucita ifyabipa ifyo acita (Yobo 11)
Aloseshe mu kuti Yobo aali mubifi kabili alitemenwe ukulacita ifyabipa (Yobo 20)