“E po ndi! Ntumeni”

Tulingile ukuba no mupashi wa kuipeelesha nga ulya Esaya akwete. Alilangile ukuti ali ne citetekelo kabili aliitemenwe ukubomba nangu ca kuti taishibe ifishinka fyonse pa mulimo ali no kubomba. (Esa. 6:8) Bushe kuti mwayalulako imikalile yenu pa kuti mukayebombelako uko bakabila ba mbila nsuma ya Bufumu bacepa? (Amalu. 110:3) Nga mulefwaya ukuyabombela ukwaba ukukabila, mulingile ‘ukupenda ishingapooswapo.’ (Luka 14:27, 28) Na lyo line, mulingile ukuipeelesha ukubombesha mu mulimo wa kubila imbila nsuma. (Mat. 8:20; Marko 10:28-30) Nga fintu vidio itila Baliile mu Kubombela Ukwaba Ukukabila ilanga, ifyo Yehova atupaala filacila na pa fyo tuipeelesha ukumubombela.

NGA MWATAMBA VIDIO, ASUKENI IFI FIPUSHO:

• Bushe aba mu lupwa lwa ba William bacitile shani pa kuti baipeeleshe ukuyabombela ku Ecuador ukwali ukukabila?

• Finshi batontonkenyepo ilyo balesala uko bali no kuyabombela?

• Bushe bapaalilwe shani?

• Bushe ni kwisa mwingasanga ifyebo ifilanda pa kubombela ukwaba ukukabila?

ILYO MUKAKWATA AMAPEPO YA LUPWA, MUKALANSHANYE PALI IFI FIPUSHO:

• Finshi twingacita ngo lupwa pa kuti tulebombesha mu mulimo wa kubila imbila nsuma? (km 8/11 amabu. 4-6)

• Nga te kuti tubombele ukwaba ukukabila, ni nshila nshi twingafwilamo icilonganino twabamo? (w16.03 amabu. 23-25)