ICUMA ICABA MU CEBO CA KWA LESA | ESAYA 58-62
‘Mulebila pa Nshita iyo Yehova Akapokelelamo Abantu’
“Inshita iyo Yehova akapokelelamo abantu” te ya mwaka umo
Iyi ni nshita iyo Yehova apeela abafuuka ishuko lya kucitapo cimo ilyo abilisha pa lwa kulubulwa
Mu nshita sha batumwa, iyi nshita yatendeke ilyo Yesu atendeke ukubomba umulimo wakwe mu 29 C.E. kabili yapwile mu “bushiku bwa cilandushi” ubwa kwa Yehova lintu umusumba wa Yerusalemu waonawilwe mu 70 C.E.
Muno nshiku, inshita iyo Yehova akapokelelamo abantu yatendeke ilyo Yesu bamubikile pa Bufumu ku muulu mu 1914 kabili ikapwa mu bucushi bukalamba
Yehova alipeela abantu bakwe “imiti iikalamba iya bulungami”
Imiti iitali sana iya mu mpanga ilingi line ilakulila pamo kabili iyi miti ilatungililana nga ilekula
Imishila iikalamba iya iyi imiti ilapikana kabili ilalimba sana mu mushili ica kuti taiwa nga kuli icimwela icikalamba
Imiti iikalamba ilacingilila imiti iinono ne cintelelwe kabili amabuula ayalukuta yalalenga umushili ukuba sana no mufundo
Abantu mwi sonde lyonse aba mu cilonganino ca Bena Kristu balanonkelamo sana mu fyo babatungilila no kubacingilila ku Bena Kristu basubwa abacili pe sonde ababa nga “imiti iikalamba iya bulungami”