Muleyafwa Ulupwa Lwenu Ukulaibukisha Yehova — Watchtower LAIBRARE YA PA INTANETI

IFYO FWE BENA KRISTU TULINGILE UKULAIKALA

Muleyafwa Ulupwa Lwenu Ukulaibukisha Yehova

Yeremia balimutumine ukuya mu kusoka abaYuda pa bonaushi bwali no kwisa pa mulandu wa kuti balilabile Lesa wabo, Yehova. (Yer. 13:25) Cinshi calengele ulu uluko lulabe Yehova? Indupwa sha bena Israele shalilekele ukubika amano ku fya kwa Lesa. Icalengele ni co imitwe ya ndupwa tabalekonka ubutungulushi bwa kwa Yehova ubwaba pa Amalango 6:5-7.

Umufyashi natemwa ukuba pa Mapepo ya Lupwa; ulupwa lulebomfya mapu iilelanga ifyalo ifyo balandapo mu Baibolo pa Mapepo ya Lupwa

Indupwa ishakosa mu fya kwa Lesa shilafwa icilonganino ukuba icakosa. Imitwe ya ndupwa kuti yaafwa indupwa shabo ukulaibukisha Yehova nga ca kuti lyonse balekwata Amapepo ya Lupwa. (Amalu. 22:27) Pa numa ya kutamba vidio itila, “Aya Amashiwi . . . Yabe mu Mitima Yenu”—Ukwipusha Indupwa, asukeni ifi fipusho:

Bushe indupwa shimo bacimfishe shani amafya yalenga ukukanakwata Amapepo ya Lupwa?

Mapaalo nshi yaba mu kukwata Amapepo ya Lupwa lyonse?

Mafya nshi nkwata pa lwa kukwata Amapepo ya Lupwa kabili kuti nacita shani pa kuti ningayacimfya?