Bushe Icitetekelo Cenu mu Malayo ya kwa Yehova Cakosa shani?

Yoshua na Solomone balandile ukuti tapali nangu cimo ico Yehova alandile icishacitike. (Yosh. 23:14; 1 Isha. 8:56) Ifyo ishi inte shibili shalandile na fyo filatwafwa ukuba ne citetekelo cakosa.—2 Kor. 13:1; Tito 1:2.

Bushe Yehova afikilishe shani amalayo yakwe mu nshiku sha kwa Yoshua? Tambeni pamo no lupwa lwenu vidio itila ‘Tapali Nangu Cimo Icishacitika.’ Lyena lanshanyeni ifi fipusho: (1) Kuti mwapashanya shani Rahabu uwalangile ukuti ali ne citetekelo? (Heb. 11:31; Yako. 2:24-26) (2) Bushe ifyacitile Akani filanga shani ukuti ukukanaba ne cumfwila kwalibipa? (3) Nangu ca kuti abaume abena Gibeone bali ni mpalume, cinshi babepeele Yoshua no kupanga umutende na bena Israele? (4) Bushe ifyalandile Yehova fyafikilishiwe shani ilyo imfumu shisano isha bena Amore shaile mu kulwisha abena Israele? (Yosh. 10:5-14) (5) Bushe Yehova amwafwa shani ilyo mubika Ubufumu bwa kwa Lesa intanshi no bulungami bwakwe?—Mat. 6:33.

Nga tuletontonkanya pa fyo Yehova acita, ifyo alecita ne fyo akacita ku ntanshi, icitetekelo cesu mu malayo yakwe cikalakoselako.—Rom. 8:31, 32.