Ifingatwafwa Ukulabila Bwino Imbila Nsuma—Ukubwelela Kubo Twashimikileko

ICO CACINDAMINA: Abantu abengi abakutika imbila nsuma ya Bufumu iyo tubila balafwaya kwishiba icine pali Lesa. (Esa. 55:6) Pa kuti tulesambilisha bwino abantu tubilako imbila nsuma, tulingile ukulabwelelako imiku iingi. Amafya abantu bakwata yalaba ayapusanapusana, kanshi ne fyo tulanshanya nabo na fyo filapusanapusana. Na lyo line, tukalacita bwino ifipempu fya kubwelelamo nga ca kuti tuleipekanishisha kabela ilyo tushilabwelelako. Kabili ilyo tulebwelelako tufwile ukukwata ubuyo bwa kutendeka isambililo lya Baibolo.

IFYO MWINGACITA:

• Muleesha ukubwelelako bwangu kubo mwalanshenye nabo.—Mat. 13:19

• Muleba no mucinshi kabili aba abasansamuka

• Muletendekelapo ukubaposha. Mulebeta pe shina lyabo. Bebeni icalenga ukuti mubweleleko, nalimo ni ku kwasuka icipusho bamwipwishe, ukubatwalilako magazini iipya, ukubalangako webu saiti yesu, ukubatambishako vidio, nelyo ukutendeka isambililo lya Baibolo. Nga batendeka ukulanda pa lyashi limbi, muleitemenwa ukuteuluka no kutendeka ukulanshanya pali ilyo lyashi.—Fil. 2:4

• Muletapilila imbuto sha cine isho mwabyala mu mutima wa muntu ukupitila mukulanshanyako nankwe ilembo lya mu Baibolo nelyo ukumupeelako ulupapulo. (1 Kor. 3:6) Mulebapanga ifibusa fyenu

• Bebeni ico mukalanshanyapo ilyo mukabwelelako