“Mulelola”

25:1-12

Nangu ca kuti ilyo Yesu alandile pa cilangililo ca banacisungu 10 alelosha ku basubwa, ifyo asambilishe kuti fyayafwa na Bena Kristu bonse. (w15 3/15 amabu. 12-16) “Mulelola, pantu tamwaishiba ubushiku nangu ni nshita.” (Mat. 25:13) Bushe icilangililo ca kwa Yesu calola mwi?

• Shibwinga (icikomo 1)—Yesu

• Banacisungu aba mano (icikomo 2)—Abena Kristu basubwa abaipekanya ukubomba umulimo wabo ne cishinka kabili ababalika nge fyengelo ukufika na ku mpela (Fil. 2:15)

• Ukubilikisha ati: “Shibwinga aisa!” (icikomo 6)—Ifishibilo fya kubapo kwa kwa Yesu

• Banacisungu abawelewele (icikomo 8)—Abena Kristu basubwa abaile mu kusengela Shibwinga lelo abashatwalilile ukuba abalola kabili abashali ne cishinka

• Banacisungu aba mano bakaana ukwakaana amafuta yabo (icikomo 9)—Pa numa ya kufwatikwa icishibilo ca kulekeleshako, abasubwa aba cishinka tabaakafwe uuli onse uushakabe na bucishinka

• “Shibwinga alifikile” (icikomo 10)—Yesu akesa mu kupingula ninshi ubucushi bukalamba buli mupepi no kupwa

• Banacisungu abaiteyenye baingile nankwe mu mutebeto wa bwinga ne ciibi caliiselwe (icikomo 10)—Yesu akalonganika abasubwa bakwe aba cishinka ku muulu, lelo abashakabe ne cishinka tabakapokelele icilambu ca kuba ku muulu