Mulebomfya Bwino Impapulo Tubomfya pa Kusambilisha Abantu Baibolo

Ukupanga abasambi kwaba kwati kukuula ing’anda. Pa kuti tukuule bwino ing’anda, tulingile ukusambilila ifya kubomfya ifyo babomfya pa kukuula ing’anda. Tufwile ukusambilila ifya kubomfya bwino Icebo ca kwa Lesa, pantu eco tubomfya sana. (2 Tim. 2:15) Tufwile no kulabomfya bwino impapulo shimbi na mavidio ayaba pa mpapulo tubomfya pa kusambilisha abantu Baibolo pa kuti tulepanga abasambi.a

Bushe kuti mwacita shani pa kuti muwamyeko mu fyo mubomfya impapulo ishaba pa mpapulo tubomfya pa kusambilisha abantu Baibolo? (1) Kuti mwaipusha kangalila we bumba lyenu ukuti amwafwilisheko, (2) kuti mwabomba na kasabankanya uwaishiba sana ukubila imbila nsuma nelyo painiya, kabili (3) mufwile ukulapekanya no kulapitulukamo sana. Nga mwaishiba ukubomfya ishi impapulo na mavidio, mukalaba sana ne nsansa ilyo mulebomba umulimo wa kupanga abasambi uwaba kwati mulimo wa kukuula uulebombwa pali ino nshita.

AMAMAGAZINI

AMABROSHUWA

AMABUUKU

AMATRAKITI

AMAVIDIO

UTUPEPALA TWA KWITILAPO ABANTU

AMAKARDI APABA WEBUSAITI YESU