Ibukisheni Muka Lote

Cinshi calengele muka Lote aloleshe ku numa ilyo balefulumuka mu musumba wa Sodomu? Baibolo tayalanda. (Ukute. 19:17, 26) Amashiwi Yesu alandile yalangilila ukuti nalimo alefuluka ifintu ashile mu Sodomu. (Luka 17:31, 32) Kuti twacita shani pa kuti twileka ukuba ifibusa fya kwa Lesa nga fintu cali kuli muka Lote? Tatulingile ukulafwaisha sana ukuba ne fyuma. (Mat. 6:33) Yesu asambilishe ukuti ‘te kuti tubombele Lesa ne Fyuma.’ (Mat. 6:24) Nomba kuti twacita shani nga twamona ukuti natutendeka ukubika sana amano ku kukwata ifyuma ukucila ifyo twabika amano ku fya kwa Lesa? Tufwile ukupepa kuli Yehova pa kuti atwafwe ukwishiba umo tulingile ukwaluka kabili atupeele na maka ya kwaluka.

IBUKISHENI IFYO MWATAMBILE MULI VIDIO YALETI IBUKISHENI MUKA LOTE, KABILI ASUKENI IFI FIPUSHO:

• 

  Bushe ukufwaisha ukukwata indalama ishingi kwakumine shani ifyo ba Gloria baletontonkanya, ifyo balelanda ne fyo balecita?

• Finshi tulesambilila ku fyacitikile muka Lote?

• Bushe amashinte ya mafunde aya mu Baibolo yayafwile shani ba Joe no lupwa lwabo?

• Bushe abo Anna alebomba nabo balengele shani aleka ukubika amano ku fya kwa Lesa?

• Mulandu nshi tulingile ukubela abashipa nga ca kuti abantu baletupatikisha ukulabika ndalama mu bumi ntanshi?

• Bushe ba Brian na ba Gloria bacitile shani pa kuti na kabili balebika ifya kwa Lesa intanshi mu bumi bwabo?

• Mashinte nshi aya mafunde ayo mwamwene muli iyi vidio?