Bushe Muleluka Imibele ya kwa Lesa?

Nga mwamona iluba ilisuma sana, intanda, nelyo icipooma, bushe muleluka imilimo ya kwa Kabumba? Ifyo Yehova abumba filanga imibele yakwe. (Rom. 1:20) Nga ca kuti twatontonkanya sana pa fyo tumona, tuleluka ukuti Lesa alikwata amaka, ukutemwa, amano, umulinganya, kabili ni kapekape.—Amalu. 104:24.

Finshi fimo ifyo Yehova abumba ifyo mumona cila bushiku? Nangu mwikala mu tauni, mufwile mulamona ifyuni nelyo ifimuti. Ukulolekesha sana ifyo Yehova abumba kulatwafwa ukukanasakamikwa sana, ukukanabika sana amano ku mafya tukwete, e lyo no kucetekela sana Yehova ukuti akatwalilila ukutusakamana muyayaya. (Mat. 6:25-32) Nga ca kuti mwalikwata abana, mulebafwa ukulailuka imibele ya kwa Yehova. Nga twatwalilila ukutemwa sana ifyo Lesa abumba, tukalapalama sana kuli Kabumba.—Amalu. 8:3, 4.

TAMBENI VIDIO ITILA IFYO LESA ABUMBA FILANGA UBUKATA BWAKWE—ULUBUUTO NA MALANGI, LYENA ASUKENI AMEPUSHO YAKONKAPO:

• Cinshi cilenga tulemona amalangi?

• Mulandu nshi amalangi yamo yalukila ifyo yamoneka ukulingana napo tuleyamwena?

• Cinshi cilenga tulemona amalangi yalekanalekana mu muulu?

• Malangi nshi ayasuma sana ayo mumona mupepi na uko mwikala?

• Mulandu nshi tulingile ukubikila amano ku fyo Lesa abumba?