Ifyo Aba Bwananyina mu Caribbean Babafwile Ilyo Baponenwe na Masanso

Nga filya fine cali mu nshiku sha batumwa, na ifwe muno nshiku twalikwata ishuko lya kulanga ifyo twatemwa Abena Kristu banensu ilyo kwacitika amasanso. (Yoh. 13:34, 35) Tambeni vidio iitila Ifyo Ukutemwa kwalengele Bayafwa Abaponenwe na Masanso pa Fishi pa kuti mumone ifyo Abena Kristu bacitile pa kuti bafwe bamunyinefwe na bankashi abekala mu Caribbean, lyena asukeni amepusho yakonkapo:

• Mafya nshi aba bwananyina ku Caribbean bakwete ilyo kwali icikuuku ca mwela ica Irma ne ca Maria?

• Bushe Yehova abomfeshe shani Abena Kristu banensu ku kwafwa aba bwananyina ku Caribbean?

• Bushe bamunyinefwe abaponenwe na masanso baumfwile shani ilyo babalangile ukutemwa ku ba bwananyina?

• Bushe ni bamunyinefwe na bankashi banga ababombeleko umulimo wa kwafwa abaponenwe na masanso mu Caribbean?

• Finshi bonse twingacita pa kwafwa abaponenwe na masanso?

• Bushe ifyo mwatamba muli vidio fyalenga mwaumfwa shani pa kuba mu cilonganino umwaba abantu abatemwana?