Mulebombako Bupainiya pa Kuti Mulelumbanya Yehova

Abena Israele balikwete ifingi ifya kulumbanishishapo Yehova. Alibafumishe mu Egupti kabili alibapuswishe ku bashilika ba kwa Farao! (Ukufu. 15:1, 2) Na muno nshiku mwine Yehova alitwalilila ukucitila abantu bakwe ifisuma. Finshi tufwile ukucita pa kuti tulange ukuti tulatasha?—Amalu. 116:12.

Fimo ifyo twingacita, kubombako bupainiya bwa kwafwilisha nelyo ubwa nshita yonse. Mulelomba ukuti Lesa alelenga mulefwaya kabili mulekwata na amaka ya kubombako bupainiya. (Fil. 2:13) Kuti mwabalilapo ukubombako bupainiya bwa kwafwilisha. Kuti mwasalapo ukubomba ama-awala 30 nelyo 50 mu myeshi ya March na April kabili kuti mwabombako na mu mweshi kangalila wa muputule aletandalila icilonganino cenu. Nga mwamona ifyo ukubomba bupainiya bwa kwafwilisha kwawama, kuti mwafwaya ukubombako na bupainiya bwa nshita yonse. Bamo ababomba incito e lyo na balwalilila balabombako bupainiya bwa nshita yonse. (mwb16.07 ibu. 8) Ukwabula no kutwishika, Yehova alilinga ukumulumbanya nga nshi!—1 Imila. 16:25.

TAMBENI VIDIO ITILA BANKASHI BATATU ABAFYALWA INDA IMO ABA KU MONGOLIA, LYENA ASUKENI AMEPUSHO YAKONKAPO:

• 

  Mafya nshi bankashi batatu bakwete kabili bayacimfishe shani pa kuti batendeke bupainiya?

• 

  Bushe Yehova abapaala shani?

• 

  Milimo nshi imbi iyo batendeke ukubomba pa mulandu wa kuti balebomba bupainiya?

• 

  Bushe ifi balebomba bupainiya fyalengele bambi bacita finshi?