IFYO FWE BENA KRISTU TULINGILE UKULAIKALA
Mulecenjela pa Kuti Mwilatandanya Amalyashi ya Bufi
Muno nshiku amalyashi yalasalangana bwangu ku bantu abengi mu nshita fye iinono pa cilimba, pa TV e lyo na pa Intaneti. Abantu abapepa “Lesa wa cishinka” tabafwaya ukulatandanya amalyashi ya bufi nangu fye ni mukukanaishiba. (Amalu. 31:5; Ukufu. 23:1) Umuntu nga aletandanya amalyashi ya bufi, ifintu kuti fyamubipila kabili kuti akalifya na bantu. Nga mulefwaya ukwishiba ilyashi nga lya cine, yipusheni amuti:
‘Bushe ili lyashi lifumine kwi?’ Uuleshimika ilyashi nalimo te kuti eshibe ifishinka fyonse. Muleba abacenjela nga ca kuti tamwishibe uwatendeke ilyashi, pantu ilyashi nga lyapita mu bantu abengi lilaluuka. Apo ababomba imilimo mu cilonganino balibacetekela ukuti balalanda ifya cishinka, balingile ukucenjela pa kuti tabatumiine abantu ifyebo ifyo tabakwetepo ifishinka fine fine
‘Bushe ili lyashi kuti lyaonawila umuntu ishina?’ Nga ca kuti ilyashi kuti lyaonawila bamo ishina, kuti cawama ukukanaebako abali bonse.—Amapi. 18:8; Fil. 4:8
‘Bushe ili lyashi kuti nalicetekela?’ Mwilacetekela fye amalyashi yonse ayaleumfwika bwino
TAMBENI VIDIO ITILA KUTI NACITA SHANI PA KUTI NILACITA ULWAMBO? LYENA ASUKENI AMEPUSHO YAKONKAPO:
Ukulingana na Amapinda 12:18, bushe amashiwi bayapashanya kuli cinshi?
Bushe amashiwi yaba pa Abena Filipi 2:4 yatwafwa shani ukwishiba ifya kulanda pa bantu bambi?
Finshi tulingile ukucita nga ca kuti abo tuli nabo batendeka ukulanda ifyabipa pa bantu bambi?
Ilyo tushilatendeka ukulanda pa bantu bambi, mepusho nshi tulingile ukuyipusha?