Mulecita Ifilanga Ukuti Mwalitemwa Yehova

Fwe Nte sha kwa Yehova twalikwata ishuko ilyaibela. Apo twaliipeela kabili no kubatishiwa twalibatishiwa, tulatwalilila ukukosha bucibusa bwesu na Shikulu Mulopwe Yehova. Alitukula ukubomfya Umwana wakwe. (Yoh. 6:44) Na kabili alakutika na ku mapepo yesu.—Amalu. 34:15.

Finshi mwingacita pa kuti bucibusa bwenu na Yehova bwipwa? Cimo ico mwingacita, kukanacita ifyacitile abena Israele. Tapapitile inshita ukutula apo bapanganine icipangano na Yehova, balipangile umwana wa ng’ombe no kutendeka ukumupepa. (Ukufu. 32:7, 8; 1 Kor. 10:7, 11, 14) Tufwile ukuyipusha atuti: ‘Bushe ncita shani nga naeshiwa? Bushe ifyo ncita filalanga ukuti nalitemwa Yehova?’ Nga twalitemwa sana Shifwe wesu uwa ku muulu, tatwakulacita ifyo apata.—Amalu. 97:10.

TAMBENI VIDIO ITILA MULECITA IFINGALENGA MWATWALILILA UKUBA IFIBUSA FYA KWA YEHOVA (KOL. 3:5), LYENA PA NUMA ASUKENI AYA MEPUSHO:

• Bushe ulunkumbwa cinshi?

• Mulandu nshi tushilingile ukulapepela utulubi e lyo no kuba na bukaitemwe?

• Bushe ukucita ubucende no kupepa utulubi fya-ampana shani?

• Mulandu nshi abakwata imilimo mu cilonganino balingile ukushininkishisha ukuti balesakamana bwino abena mwabo?