IFYO TWINGACITA PA KUTI TULEBILA BWINO IMBILA NSUMA | MULECITA IFINGALENGA MULESEKELELA ILYO MULEBILA IMBILA NSUMA

Ifya Kubomfya Amepusho

Yehova, “Lesa wa nsansa” afwaya tulesekelela ilyo tulebila imbila nsuma. (1 Tim. 1:11) Tulabelako ne nsansa nga tuleishibilako ifya kubila imbila nsuma. Ukwipusha amepusho kuti kwalenga uo mulelandako afwaya ukwishibilapo na fimbi kabili kuti kwatwafwa ukutendeka ukulanshanya no muntu. Na kuba amepusho yalalenga umuntu alatontonkanya. (Mat. 22:41-45) Nga tuleipusha amepusho no kukutika ku fyo uo tulelanshanya nankwe alelanda ninshi tulemweba fye ukuti ‘walicindama sana kuli ine.’ (Yako. 1:19) Ifyo umuntu ayasuka kuti fyalenga twaishiba ifyo twalalanshanyapo.

TAMBENI VIDIO ITILA KUTI MWABA NE NSANSA NGA MULEISHIBILAKO IFYA KUPANGA ABASAMBI—IFYA KUBOMFYA AMEPUSHO, LYENA ASUKENI AYA MEPUSHO:

Mibele nshi iisuma iyo ba Jade bakwete?
Mepusho nshi ba Neeta bacipusha pa kulanga ukuti nababika amano kuli ba Jade?
Mepusho nshi ba Neeta bacipusha ayacilenga ba Jade bafwaye ukumfwilapo na fimbi?
Mepusho nshi ba Neeta bacipusha ayacilenga ba Jade batontonkanye pa fyo bacibasambilisha?