Mulepepa Kuli Yehova pa Kuti Alemwafwa

Yehova e ulenga ulubuto lwa cine ukulimba imishila no kukula mu mutima wa muntu. (1 Kor. 3:6-9) Kanshi pa kuti tubombe bwino umulimo wa kubila imbila nsuma, tulingile ukushintilila pali Yehova ukuti e o aletwafwa no kwafwa abasambi besu.

Mulelomba Yehova ukuti aleafwa abasambi benu ukushipikisha amafya no kucimfya amesho (Fil. 1:9, 10) Mulepepa mu kulungatika. Ilyo muleafwa abasambi benu, mulelomba ukuti umupashi wa mushilo ulemutungulula mu fyo mutontonkanya na mu fyo mucita. (Luka 11:13) Mulesambilisha abasambi benu ifya kupepa, kabili mulebakoselesha ukulapepa. Mulepepela pamo na basambi benu kabili ilyo mulebapepelako mulebalumbula na mashina.

TAMBENI VIDIO ITILA, KUTI MWABA NE NSANSA NGA MULELEKA YEHOVA ALEMWAFWA UKWISHIBA IFYA KUPANGA ABASAMBI—MULEPEPA, LYENA ASUKENI AYA AMEPUSHO:

• Bwafya nshi ba Neeta bakwete ilyo balesambilisha ba Jade?

• Bushe ilembo lya 1 Abena Korinti 3:6 lya-afwile shani ba Neeta?

• Bushe ba Neeta bapwishishe shani ubwafya bakwete?