Muletemwana mu Lupwa

Ukutemwa e kulenga aba mu lupwa baikatana. Nga ca kuti aba mu lupwa tabatemwana, te kuti bekatane nelyo ukulabombela pamo. Bushe aba mu lupwa kuti balanga shani ukuti balitemwana?

Umulume uwatemwa umwina mwakwe, alabika amano ku fyo umwina mwakwe akabila, ifyo amona ifintu e lyo ne fyo omfwa pa fintu. (Efes. 5:28, 29) Alapekanishisha ulupwa lwakwe ifyo lukabila kabili alacita ne filenga bapalama kuli Lesa, pa fyo acita paba no kukwata amapepo ya lupwa. (1 Tim. 5:8) Umukashi alingile ukulanakila umwina mwakwe no kuba na “akatiina” kuli ena. (Efes. 5:22, 33; 1 Pet. 3:1-6) Bonse babili balingile ukulaelelana. (Efes. 4:32) Na kabili abafyashi abatemwa abana babo balababikako amano no ku basambilisha ukutemwa Yehova. (Amala. 6:6, 7; Efes. 6:4) Baleshiba amafya abana balekwata ku sukulu, e lyo ne fyo abana balecita pa kuti tabalekonkelela ifibusa. Nga ca kuti aba mu lupwa balitemwana bakalaumfwa ukuti balicingililwa.

TAMBENI VIDIO ITILA TWALILILENI UKULANGA UKUTEMWA MU LUPWA LWENU, LYENA ASUKENI AMEPUSHO YAKONKAPO:

• 

  Finshi umulume uwatemwa umwina mwakwe acita pa kusunga bwino umwina mwakwe?

• 

  Bushe umukashi uwatemwa umwina mwakwe alanga shani ukuti alamucindika?

• 

  Finshi abafyashi abatemwa abana babo bacita pa kubasambilisha Icebo ca kwa Lesa?