Muleafwa Abasambi ba Baibolo Ukuleka Ukwangala ne Fibusa Ifyabipa

Pa kuti abasambi ba Baibolo babe ifibusa fya kwa Yehova, balingile ukulasala bwino ifibusa. (Amalu. 15:1, 4) Ifibusa ifisuma fikalenga bakalecita ifyo Yehova afwaya.—Amapi. 13:20; lff isambililo 48.

Muleba ne cikuuku ilyo muleafwa abasambi ba Baibolo ukuleka ukwangala na baba ne mibele yabipa. Nalimo kuti cabakosela ukuleka ukwangala na bashipepa Yehova. Kanshi mulebalanga ukuti mwalibabikako amano na pa nshiku mushilesambilila nabo. Kuti mwabalembelako kalata nelyo meseji, kuti mwabatuminako foni nelyo ukubatandalilako ku ng’anda ku mwabo. Ilyo abasambi benu baleya balelunduluka kuti mulebetako ilyo muleangalila pamo na ba bwananyina. Nga mulecita ifi bakamona ukuti nabasanga ifingi ukucila na pa fyo basha. (Marko 10:29, 30) Na imwe bene mukalaba ne nsansa nga mwamona ulupwa lwa kwa Yehova lulekulilako.

TAMBENI VIDIO ITILA MULEAFWA ABASAMBI BA BAIBOLO UKULEKA UKWANGALA NE FIBUSA IFYABIPA, LYENA ASUKENI AMEPUSHO YAKONKAPO:

• Bushe ifibusa ifyabipa ni bani? (1 Kor. 15:33)

• Bushe ba Jade baletontonkanya ukuti ciba shani Abena Kristu nga baleangalila pamo?

• Bushe ba Neeta ba-afwile shani ba Jade ukuleka ukwangala ne fibusa abashalepepa Yehova?