Ifyo Mwingabomfya Ifyebo Fiba Apatila Ifyo Mwingalanda

Bamunyinefwe balabombesha pa kupekanya ifyebo ifiba apatila ifyo mwingalanda, kabili bakasabankanya abengi basanga ukuti ifi fyebo filabomba bwino ilyo balebila imbila nsuma mu cifulo babombela. Na lyo line, apo ifyo ifintu fiba mu ncende twikala filapusanapusana, bakasabankanya kuti babomfya ilembo nelyo ifyebo ifili fyonse ilyo balebila imbila nsuma ifilingene na bantu balelandako. Lelo nga kuli kampeni yaibela, bakasabankanya bafwile ukukonka fyonse ifyo babele ukucita. Ico tufwaisha kubila imbila nsuma ya Bufumu nge fyo Yesu atwebele.—Mat. 24:14.

Ilyo bakasabankanya balelanda amalyashi ya basambi mu kulongana kwa mikalile, bafwile ukubomfya ifyebo ifiba apatila ifyo mwingalanda mu Akatabo ka Imikalile no Mulimo Tubomba. Na lyo line, kuti babomfyako icipusho, ilembo, ico mukalanshanyapo nelyo fimbi ifyo bengalanda ifingabomba bwino ukulingana ne ncende babako, kano fye nga nababeba ukuti tabalingile ukwalula. Ifi e fyebo fimo ifyalwike pa fyebo fyali mu katabo ka mikalile aka mu June 2020 pe bula 8.