IFYO FWE BENA KRISTU TULINGILE UKULAIKALA
Ifingatwafwa Ukukanalaalikisha Imilimo
Umuntu uwatemwa ukulaalikisha imilimo tabombela pa fintu bwangu. Lelo ifi te fyo Yehu acitile ilyo Yehova amupeele umulimo wa kulofya aba mu ng’anda ya kwa Ahabu. (2 Isha. 9:6, 7, 16) Abantu bamo batila: “Nkabatishiwa mu myaka ileisa.” “Nomba line fye nkatendeka ukulabelenga Baibolo cila bushiku.” “Nkatendeka bupainiya nga nasanga incito iisuma.” Amalembo kuti yatwafwa ukukanalaalikisha imilimo maka maka imilimo tufwile ukubomba mu cilonganino ca kwa Lesa.
Bushe amalembo yakonkapo kuti yatwafwa shani ukuleka ukulaalikisha imilimo?