Ifyo Mwingatwalilila Ukushipikisha nga Bamufyenga

Belengeni Ukutendeka 37:​23-28; 39:​17-23 pa kuti musambilile ifyo Yosefe atwalilile ukushipikisha nangu ca kuti balemufyenga.

Moneni ifyo ifikomo fimbi mu cipandwa cimo cine fyalanda pa lyashi mulebelengapo. Cinshi calengele abantu bafyenge Yosefe? (Ukute. 37:​3-11; 39:​1, 6-10) Bushe Yosefe ashipikishe pa myaka inga nangu ca kuti balemufyenga? (Ukute. 37:2; 41:46) Ilyo Yosefe balemufyenga, finshi Yehova alemucitila, lelo finshi ashalemucitila?—Ukute. 39:​2, 21.

Fwailenipo ifyebo na fimbi. Nangu ca kuti ifyo muka Potifa alandile pali Yosefe fyali fya bufi, Baibo tayalandapo ukuti Yosefe alilandile ukuti ifyo muka Potifa alandile pali ena fyali fya bufi. Bushe amalembo yakonkapo kuti yalenga shani twaishiba nalimo icalengele Yosefe asalepo fye ukwikala tondolo, nelyo kuti yalenga shani twaishiba ico tushilingile ukwenekela ukwishibila fyonse pali ili ilyashi? (Amapi. 20:2; Yoh. 21:25; Imil. 21:37) Mibele nshi nalimo yalengele ukuti Yosefe atwalilile ukushipikisha nangu ca kuti balemufyenga?—Mika 7:7; Luka 14:11; Yako. 1:​2, 3.

Moneni ifyo mulesambililako. Yipusheni amuti:

• ‘Ni muli finshi abantu bengamfyenga apo ndi musambi wa kwa Yesu?’ (Luka 21:​12, 16, 17; Heb. 10:​33, 34)

• ‘Finshi mfwile ukucita pali ino nshita pa kuti nkashipikishe nga bamfyenga?’ (Amalu. 62:​7, 8; 105:​17-19; w19.07 amabu. 2-7)