Yesu Akapwisha Ubunkalwe

Yesu alishiba ifyo cumfwika ukucula pa mulandu wa bunkalwe no lufyengo. Balimubepeshe ubufi, balimumine apabula umulandu, balimufyengele, kabili balimwipeye mu nshila iyabipisha. Nangu ca kuti ali uwa kaele, ali-itemenwe “ukupeela umweo wakwe icilubula pa kuti alubule abengi.” (Mateo 20:28; Yohane 15:13) Nomba apo ni Mfumu ya Bufumu bwa kwa Lesa, akalenga mwi sonde mukabe umulinganya, kabili akafumyapo ubunkalwe umuyayaya.—Esaya 42:3.

Baibo ilalondolola ifyo isonde likaba Yesu nga atendeka ukuteka:

• “Kwashala fye panono ababifi tabakabepo; Ukalolesha apo bali, Lelo tabakabepo. Lelo abafuuka bakekala mu calo, kabili bakasekelela nga nshi pantu mukaba sana umutende.”—Amalumbo 37:10, 11.

Bushe kuti twalanga shani ukuti tulatasha pa fyo Yesu atucitila e lyo na pa fyo akatucitila ku ntanshi? Inshila imo kusambilila pa “mbila ya Bufumu bwa kwa Lesa,” iyo alebila. (Luka 4:43) Belengeni icipande icitila “Bushe Ubufumu bwa Lesa Cinshi?”