Bushe ni bani Mwingacetekela?—Finshi Baibo Yalandapo?

Abantu balomfwa sana ububi nga ca kuti umuntu bacetekela alecita ifipusene ne fyo bale-enekela. Abantu abengi balileka ukucetekela . . .

• Intungulushi sha fikansa fya calo, pantu shabika fye amano mu kucita ifya kuisekesha ukucila ukubika amano ku fyo abantu balefwaya.

• Aba kumilabasa, pantu tabasabankanya ilyashi ukulingana ne fyo lifwile ukuba kabili ilingi taliba ilya cine.

• Ba sayantisti abashicita ifyo abantu balefwaya.

• Bashimapepo abatungilila ifikansa fya calo ukucila ukulandilako Lesa.

Kanshi abantu balicita bwino ifi baba abacenjela pa kuti belacetekela fye umuntu uuli onse. Baibo itusoka ukuti:

• “Mwilacetekela intungulushi nelyo umuntunse umbi, uushingamupususha”—Amalumbo 146:3, Amalembo ya Calo Cipya.

Umuntu Mwingacetekela

Baibo yalilanda pa muntu mwingacetekela: No yu ni Yesu Kristu. Taali fye muntu umusuma uwaliko pa myaka iingi ku numa. Lelo Lesa alisontele Yesu ukuti “akaba Imfumu . . . , no Bufumu bwakwe tabwakapwe.” (Luka 1:32, 33) Yesu ni Mfumu ya Bufumu bwa kwa Lesa, kabili ubu, buteko ubutekela ku muulu.—Mateo 6:10.

• Nga mulefwaya ukwishibilapo na fimbi ifingalenga mwacetekela sana Yesu, belengeni icipande citila “Bushe Imfumu ya Bufumu bwa kwa Lesa Nani?” ne citila “Finshi Ubufumu bwa kwa Lesa Bukacita?