Bushe Yesu ni Lesa Wa Maka Yonse?

Icasuko ca mu Baibolo

Abapatile Yesu balemubepesha ati alelanda ati alilingana na Lesa. (Yohane 5:18; 10:30-33) Lelo Yesu tabalile alanda ati alilingana na Lesa Wa Maka Yonse. Umwine atile: “Tata mukalamba pali ine.”—Yohane 14:28.

Abasambi ba kwa Yesu aba kubalilapo tabalemona Yesu ukuti alilingana na Lesa Wa Maka Yonse. Cimo icilanga ico ni filya umutumwa Paulo alembele ati, ilyo Yesu abuukile, Lesa “alimusansabike.” Kanshi Paulo alishibe ukuti Yesu taali Lesa Wa Maka Yonse. Aba Lesa Wa Maka Yonse, bushe Lesa nga amusansabike shani?—Abena Filipi 2:9.