Bushe Lesa e Ulenga Ukuti Tulecula?

Icasuko ca mu Baibolo

Baibolo yasuka ukuti iyo! Yehova Lesa talefwaya ukuti abantu balecula. Lelo, abantu babili aba kubalilapo balipondokele ukuteka kwa kwa Lesa, balefwaya ukulaisalila abene icalungama ne calubana. Balifumine kuli Lesa ne ci calengele ukuti batendeke ukucula.

Ifyo basalilepo ukucita fyalilenga ukuti na ifwe tulecula. Lelo, Lesa te walenga ukuti abantu balecula.

Baibolo itila: “Ilyo umuntu atunkwa, etila: ‘Ni Lesa e ulentunka.’ Pantu takuli uwingatunka Lesa ukucita ifyabipa, kabili umwine tatunka umuntu iyo.” (Yakobo 1:13) Amacushi kuti yaponena umuntu uuli onse, ukubikako fye na bantu abo Lesa atemwa.